Duayî

Ya Tîja hometê
Tora keno reca û minetê
Roshtîya xo ma sera kemî mekê
Ma nur o tanîya xo ra marim mekê
Lewê hometa xo de
Caye kî ma de
Loqmê ma de, çimê kesî meverdê
Ma kî motacê kesî meke
Neheq û xaîna ra
Zur û hushka ra
Zalim û gonîwera ra
xezeb û xishma ra
Qeda û bela ra
Bisheveknê

Ez terkitû shîyûne dîyarê dewe,
Axayê mi te de fetelîno ve kinc û kîsveto kewe,
ez qirvanê to bi qilawizê Hewsê Dewe,
bê comerdîye, ma rê çêverde xêr cisane!

Ez îyûne dîyarê Mose
Hewsê kalikê mi oseno zê tose
To ke ced û celalê min a
Minêseyî rê caye ra bîose!

Kaniyê Xizirî bo!
Desta Duzirî* bo!
Çemê Muzirî bo!
Ma kerdo kemî, Heq zêde kero!
Bereketê Xêlil îvrayimi te de bo!

Xirave ve ra ma memisne,
nêbiyayiye çêverê ma mesoyne,
neqe sêmuga ma ra dûrî bere,
risko xêr bide,
heram wertê riskê az-uzê ma meke!

Heq to de bo !
Heq mordemê de pîl o !
Heq kederê be to nedo !
Heq xerê xo be todo !
Heq pîsire to medo soysiza dest !
Heq to wayîrê derd û qula nekero !
Berxudarbe !

Heq siya xo ma sera kêmî mekero !
Ya Xizir ti wayîre bekesana !
Ya Xizirê homette!
Ya Xizir o qal !
Ya Xizir sîya xo ma serdê kemî mekê!
Ya Xizirê kêlek û gemîya !
Ya Xizir bexte todero !
Xana Xizir î bo !
Ya Xiziro can sivik !
Ya Xizire serê astora bozî
Xizir cetine tora durî bero !
Xizir tore sitar bo !

Ma kerdo kemî Heq hurendî pirr kero!
Wayîrê mi keder medo!
Vêsanîye û têsanîye ra az uzê sima bisevekno!
Berektê Xêlil îvrayimi tede bo!
Sifrê shima her dayîm ronaye bo!
Linga mêymanê xêrî sêmuga sima ra dûrî mekuyo!
Motacê mixenetî mebêne!
Berxudar be,
wesh û war be,
pir û kal be,
raya to rakerdiye bo,
linga to kemere ro megino,
Heq çî mirodê to ke esto bikero,
îya ma û piyê to to ser ra wemedaro,
neqî sima ra durî fîyo,
risko xêr sima done.

Xiziro Kal her tim hermê to ser o bone.
Berxudar be,
wes û war be,
pir û kal be,

Xiziro Kal to de bo,
Heq ewlado xêr bido,
derdê cîgere ra sima medo,
îya sima az û uzê sima ser ra wemedaro,
neqe sima ra dûri bero,
xirave sêmuga sima mekero,
raya sima rakero,
ri iyayiye ra sima memisno,
niyaz û qiravnê sima hêçe mebero,
Raya Êli-Mihemmedi ra sima durî mefiyo,
Dest û bojiyê sima pêbicêro,
çuyê sima berz kero, ê dismeni ronone,
torzênê sima tuz bo, ê dismeni kor bo.
Ya Heq!
Ya Reb!
Ya Rebb-i Alem!
Ya Heq comerd!
Ya Heqo ke asmenî hotîne ra ronîsto!
Ya Heqo wayîrê çar kosey dinya!
Ya Heqo ke asmenî hotine ra ronisto, çark kosê dinya de nîyadano!
Ya wayîrê çar kosey dinya!
Ya Heq, tîya ke 18 hazor alemî virastê!
Ya Pîrê Ulu Diwanî!
Ya Xizir!
Ya Xiziro Kal!
Ya Xiziro suyarîyê Astorê Qirî!
Ya Xiziro suyariyê serê Astorê Qirî!
Ya suyariyê Astorê Qirî!
Ya Xiziro ke her ca de hazir û nazir o!
Ya Xizir, ti ya ke her ca de hazir û nazir a!
Ya Xizirê sata tenge!
Ya Xizir, ti ya ke sata tenge resena!
Ya Xizirê serê deryayî!
Ya Xizirê kelek û gemîya!
Ya Xiziro cantêzik!
Ya Xiziro cansenik!
Ya Kalo Sipê!*
Ya Xizir, Xiziro Kal!
Tî ya ke suyarîyê serê astorê Qirî ya,
tîya ke Xizirê sata tenge ya,
her ca de, her tim hazir û nazir a,
birese îmdadê ma!
Ya bimbarek! )
Tîya ke vejîya, esto rîyê dînya!
Bê comerdîye!
Sifte qom û hometa bîne rê,
o ra dime kî ma rê çêverêde xêr rake!
Az û uzê ma nêwe îye û xiravîye ra zur û iftira ra bishevekne!
Bêrê comerdiye!
Marê çêverêde xêr cishanê!
Niyaz û qirvanê ma hêçe meberê!
Raya ma tari mekerê!
Raya ma ro tî kerê!
Raye ro ma mecêrê!
Duya û mineta pîr û rayverî nêsîb kerê!
Ma duya û mineta pîr û rayveri ra merum mekerê!
Az û uzê ma xirave ra dûrî fîyêne!
Neqe de ma mesoynêne!
Nêqe ra ma memishnê!
Neqe çêverê ma mekerê!
Neqe ma ra dûrî berê!
Neqe sêmuga ma ra durî fîyêne!
Mordemî neqî çêverê ma ra dûrî fîyêne!
Mordemê neqî ma ra dûrî berê, bela ci dêne!
Nêbîyayîye ma mesoynêne!
Nêbîyayîye ra ma memisnê!
Zulm û zordaîye ra ma memisnêne!
Zulm û zordarîye ra ma bisheveknêne!
Firsend dismenê medêne!
Mordemê fesatî ma ra dûrî berêne!
Risko xêr bidêne!
Risko helal bidêne!
Risko helal nêsîb kerêne!
Heram wertê riskê ma mekerê!
Ma rê nîyaz û qîrvano xêr nêsîb kerê!
Nîyaz û q›rvanê ma hêçe meberê!
Can we îyê bidêne!
Sivte canwe îye, o ra dime risko xêr bidêne!
Sivte canî, o ra dime mal û milki biseveknêne!
Çime iayiye ra ma b›sevekne!
Mordemê çime iyayi ma ra durî fîyêne!
Pêsîrê ma ra mordemê xiravî dest mefîyêne!
Hen bikerê ke pêsîra ma ra mordemê xiravî dest mekuyo!
Yaxê ma ra mordemê xiravi dest mefîyêne!
Rî îyayîye ma sare mîyarê!
Rî îyayîye ra ma memisnê!
Firsend ra mordemê fesatî dest mefîyêne!