Ax hesreta mi

Biya adır gına na zerria mıro
Çıturi biyari’ra zon, ax hesreta mı
Saê Pir Sultani, esqê Feratiya
Çıturi biyari’ra zon, ax hesreta mı

Nêzon rozo vaji, qudreto vaji
Nêzon isyan vaji, nêzon hêf vaji
Nêzon dina newiye rê goço vaji
Çıturi biyari’ra zon, ax hesreta mı

Ge-ge bena qewğa de gonesure
Ge-ge bena haştiya lızgê zeytune
Ge-ge bena mucila de hewesine
Çıturi biyari’ra zon, ax hesreta mı

Garip Şahin hevali yenê vengê mı
Yenê, gos nanê ser, çıko derdê mı
Serba to kisenê, serba to kişinê
Çıturi biyari’ra zon, ax hesreta mı